Erion Braçe, deputet i Partisë Socialiste, ka uruar Dashnor Sulën, ish-deputet të Partisë Demokratike, për emërimin e tij si Kryeinspektor i Përgjithshëm. Reagimi u bë publik më 13 shkurt 2026 në rrjetet sociale.
Braçe i uroi punë të mbarë dhe i dha një këshillë për ushtrimin e detyrës: "Gjoba nuk është alternativa e parë". Ai shtoi se, nëse Sula do ta zbatojë këtë parim siç parashikon ligji, atëherë do t’ia ketë dalë.
Deputeti socialist shprehu edhe një merak në lidhje me rolin e Sulës në parlament. Ai theksoi se Sula fliste shpesh për fshatin, veçanërisht këtë sezon, dhe se mungesa e tij është "humbje e madhe për fshatin".
Reagimi i plotë i Erion Braçes:
URIME DASH!
PUNË TË MBARE! Sinqerisht!
Dua shumë t’i hysh e t’i dalësh në fund siç ligji e parashikon:
GJOBA NUK ËSHTË ALTERNATIVA E PARË!
Po bëre këtë, ia ke dalë!
Ndërkohë një merak e kam;
Kush do flasë për fshatin tani? Se ti flisje gjithmonë për fshatin, veçanërisht këtë sezon. Të ndiqja dhe unë. Tani kush do flasë? Është humbje e madhe për fshatin Dash! Mendoje dhe këtë!