Ernest Muçi po kalon formën më të mirë të karrierës me Trabzonspor në kampionatin turk. Ai ka shënuar 9 gola në 9 ndeshjet e fundit të Superligës, shifër e pakrahasueshme me lojtarët e tjerë në këtë periudhë.
Nga këto gola, vetëm 1 është shënuar në pjesën e parë, ndërsa 8 në pjesën e dytë. Konkretisht, 5 gola kanë ardhur në 15 minutat e fundit, duke qenë vendimtare për fitore të rëndësishme të skuadrës.
Në të gjithë kampionatin turk, vetëm dy lojtarë kanë qenë kaq rezultativë në 15 minutat e fundit: Ernest Muçi dhe Mauro Icardi, sulmuesi argjentinas i Galatasaray-it. Muçi dallohet më tej me 3 gola në kohën shtesë.
Statistikat kryesore të Muçit
• 9 gola në 9 ndeshje të fundit.
• 1 gol në pjesën e parë.
• 8 gola në pjesën e dytë.
• 5 gola në 15 minutat e fundit.
• 3 gola në kohën shtesë.
Paraqitjet e tij e kanë bërë një nga lojtarët më të komentuar në Turqi.