FC Malisheva ka prezantuar dy lojtarë të rinj për vazhdimin e sezonit në Superligën e Kosovës.
Portieri brazilian Tiago Gomes Dos Santos i bashkohet ekipit pas periudhës së tij në FC Drenica, ku luajti gjysmën e dytë të sezonit të kaluar. Ai ka treguar cilësi në kampionatin vendor dhe pritet të rrisë konkurrencën si dhe sigurinë në portë.
Ndërkohë, mbrojtësi i krahut Arbër Shala vjen nga Shtetet e Bashkuara të Amerikës. Lojtari konsiderohet i talentuar dhe premtues, i gatshëm për të kontribuar në mbrojtjen e skuadrës.
Klubi u ka uruar mirëseardhje dhe suksese të dy futbollistëve në rrugën e përbashkët me fanellën bardhekaltër, me shpresën se këto afrime do të ndihmojnë në arritjen e objektivave sezonale.