Klubi Fenerbahçe po përgatitet për përforcime në repartin ofensiv, duke u fokusuar te sulmuesi Ademola Lookman i Atalantës. Sipas raportimeve, drejtuesit turq kanë nisur bisedime me klubin italian, me një takim të planifikuar në ditët në vijim. Lookman, i lindur në vitin 1997, ndodhet aktualisht në Kupën e Kombeve të Afrikës me Nigerinë.
Atalanta vlerëson kartonin e lojtarit rreth 45 milionë euro, duke preferuar një transferim të drejtpërdrejtë ose pagesë në një këst të vetëm. Fenerbahçe po shqyrton opsione si huazim me detyrim blerjeje ose pagesë me këste, me një propozim të mundshëm huazimi prej 5 milionë euro dhe opsion blerjeje për 37 milionë euro. Lojtari pritet të fitojë rreth 9 milionë euro në sezon te Fenerbahçe, krahasuar me 2.5 milionë euro që fiton te Atalanta.
Lookman shihet si opsioni kryesor, por klubi turk ka në listë edhe alternativa si Loïs Openda dhe Christopher Nkunku. Negociatat për Nkunku u ndërpritën për shkak të çmimit të lartë prej 35 milionë euro të kërkuar nga klubi i tij aktual. Gjatë verës së kaluar, Lookman kishte kërkuar kalimin te Interi, por Atalanta nuk e lejoi transferimin.
Fenerbahçe ka qenë aktiv në tregun e Serie A, duke mbyllur transferimin e Matteo Guendouzi nga Lazio për 29 milionë euro. Klubi renditet në vendin e dytë në Superligën turke, tre pikë larg liderit Galatasaray. Tifozët e Fenerbahçe kanë nisur një fushatë në rrjetet sociale me hashtagun #LookmanFenere për të mbështetur afrimin e lojtarit.
Përditësime
Fabrizio Romano konfirmoi marrëveshjen personale të Ademola Lookman me Fenerbahçe-n. Pas takimit të sotëm, negociatat mes Fenerbahçe-s dhe Atalanta-s hynë në fazat përfundimtare për 40 milionë euro plus shtesa. Lookman fitoi Ligën e Evropës dhe u shpall futbollisti më i mirë afrikan te Atalanta.
- Atalanta refuzoi kushtet e pagesës së Fenerbahçe-s prej 40 milionë euro për Lookman-in, pavarësisht marrëveshjes personale dhe çmimit të rënë dakord.
- Atletico Madrid ka kontaktojtur Atalantën për të hyrë në garë.