Sulmuesi kosovar Fisnik Asllani, 23 vjeç, ka tërhequr interesin e klubit turk Fenerbahçja pas performancës së tij në Bundesligë. Ai luan te Hoffenheim prej dy sezonesh dhe ka shënuar shtatë gola si dhe ka dhënë tre asistenca deri tani në këtë sezon.
Transferimi synohet të përfundojë në verë, me një shifër që arrin deri në 30 milionë euro. Trajneri i Fenerbahçesë, Domenico Tedesco, po insiston për këtë lëvizje. Megjithatë, Hoffenheim nuk pritet të nxitojë, pasi Asllani është i kontraktuar deri në vitin 2029.
Performanca e Asllanit në Gjermani e ka bërë atë një nga yjet e skuadrës, duke tërhequr vëmendjen e gjigantëve evropianë. Fenerbahçja shpreson të forcojë sulmin e saj me këtë transferim.