Robert Fico, kryeministri i Sllovakisë, ka deklaruar se Bashkimi Evropian duhet të heqë sanksionet ndaj importeve të naftës dhe gazit rus, të ndërmarrë hapa për ta rikthyer furnizimin përmes tubacionit Druzhba dhe të punojë për përfundimin e luftës në Ukrainë. Kjo, me qëllim përballimin e krizës energjetike të shkaktuar nga lufta dhe tensionet në Iran.
Fico bëri këto deklarata pas bisedës telefonike me kryeministrin e Hungarisë, Viktor Orban. Ai theksoi nevojën për rifillimin e dialogut me Rusias dhe krijimin e kushteve që vendet anëtare të BE-së të sigurojnë furnizimet e munguara me gaz dhe naftë nga të gjitha burimet e mundshme, përfshirë Rusias.
Hungaria dhe Sllovakia konsiderohen përjashtim brenda BE-së, pasi mbajnë marrëdhënie të afërta me Moskën krahasuar me vendet e tjera anëtare. Hungaria ka njoftuar më herët se do të ndalojë dërgimin e gazit natyror drejt Ukrainës, duke ndërprerë një rrugë kryesore furnizimi për vendin e goditur nga lufta dhe duke thelluar përplasjen mes Kievit dhe Budapestit për ndërprerjen e furnizimeve me naftë ruse.