FIFA ka refuzuar kërkesën e federatës iraniane të futbollit për të zhvendosur ndeshjet e saj të fazës së grupeve në Botërorin 2026 nga Shtetet e Bashkuara në Meksikë.
Federata iraniane kishte kërkuar këtë ndryshim për shkak të shqetësimeve për sigurinë dhe tensioneve politike. Organi botëror i futbollit ka vendosur të mbajë planin fillestar të pandryshuar. Turneu do të zhvillohet në SHBA, Meksikë dhe Kanadë, me nisje më 11 qershor.
Konfirmimi erdhi nga presidentja e Meksikës Claudia Sheinbaum, e cila deklaroi gjatë një konference për shtyp se FIFA nuk do të lejojë zhvendosjen e ndeshjeve nga vendet e përcaktuara. Ajo shpjegoi se një ndryshim i tillë do të shkaktonte komplikime të mëdha logjistike për organizimin e garës.
Sipas kalendarit aktual, Irani ndodhet në grupin G bashkë me Belgjikën, Egjiptin dhe Zelandën e Re. Dy ndeshje të tij janë parashikuar të luajen në Kaliforni dhe Uashington, në territor amerikan.
Ministri i sportit dhe presidenti i federatës iraniane kishin bërë apel të përsëritur për ndryshimin e kalendarit për arsye sigurie, por FIFA ka mbetur e palëkundur. Tani gjithçka varet nga autoritetet iraniane, nëse do të marrin pjesë apo jo në turne. Në rast refuzimi, do të hapen skenarë për zëvendësimin e tyre.
Përditësime
FIFA po shqyrton organizimin e një play-off-i me 4 ekipe (2 nga Evropa, 2 nga Azia) në rast tërheqjes së Iranit nga Botërori 2026.
Ekipe të mundshme evropiane:
- Italia (#12)
- Danimarka (#20)
- Polonia (#35)
- Kosova (#78)
Vendimi i Iranit pritet më 12 maj.