Në prag të fillimit të edicionit të ri të Ligës së Kombeve (Nations League), përfaqësuesja e Finlandës ka bërë publike listën e futbollistëve të grumbulluar për ndeshjet e ardhshme. Skuadra finlandeze, e cila bën pjesë në të njëjtin grup në Ligën C me Shqipërinë, Bjellorusinë dhe San Marinon, do të përballet me kombëtaren shqiptare më 3 tetor.
Trajneri Jacob Friis ka përzgjedhur 25 lojtarë për këtë grumbullim, duke përfshirë rikthime të rëndësishme në organikë. Pas një mungese të gjatë, mesfushorët Kaan Kairinen dhe Glen Kamara janë rikthyer në skuadër, ndërsa Bergstrom, Lahtenmaki dhe Stahl janë vënë sërish në dispozicion pas rikuperimit nga dëmtimet. Risia e vetme në formacionin e finlandezëve është sulmuesi Adrien Svanbäck, i cili ka marrë ftesën e parë për këtë aktivitet.
Në listë bëjnë pjesë gjithashtu emra të spikatur të futbollit finlandez, si portieri i Monacos, Lukas Hradecky, dhe sulmuesi Joel Pohjanpalo. Për Shqipërinë, sfida ndaj Finlandës konsiderohet si një ndeshje përcaktuese në rrugëtimin për sigurimin e kreut të grupit dhe synimin për t'u ngjitur në Ligën B.