Firma e presidentit të Shteteve të Bashkuara, Donald Trump, do të shfaqet për herë të parë në kartëmonedhat amerikane si president në detyrë. Kjo ndodh në kuadër të festimeve për 250-vjetorin e Pavarësisë më 4 korrik.
Vendimi shënon një ndryshim nga praktika e deritanishme, sipas së cilës në valutë përfshiheshin vetëm firmat e sekretarit dhe thesarit, shkruan Al Jazeera. Sekretari i Thesarit, Scott Bessent, e ka justifikuar lëvizjen si njohje për arritjet historike të Trumpit.
Kritikët e kanë cilësuar këtë si një precedent të rrezikshëm dhe të ngjashëm me praktikat e regjimeve autoritare. Guvernatori i Kalifornisë, Gavin Newsom, reagoi me ironi, duke e lidhur vendimin me rritjen e kostos së jetesës.
Ky vendim vjen në një kohë kur ekonomia amerikane ka shënuar rritje modeste prej 2.2% në vitin 2025, në linjë me trendin e viteve të fundit gjatë administratës së mëparshme të Joe Biden. Kjo nismë është pjesë e një serie vendimesh të administratës Trump për të vendosur emrin dhe imazhin e tij në institucione dhe projekte shtetërore, çka ka nxitur debat mbi kufijtë mes simbolikës shtetërore dhe promovimit personal.