Në kuadër të xhiros së shtatë të Superligës së Kosovës, u zhvilluan dy takime mjaft të rëndësishme. Në ndeshjen e zhvilluar në Klinë, Drita siguroi tri pikë të vlefshme duke mposhtur Dukagjinin me rezultatin 2-1. Për skuadrën gjilanase shënuan Blerim Krasniqi (34') dhe Besnik Krasniqi (65'), ndërsa për vendasit realizoi Dienit Isufi (70'). Në minutat shtesë, Dukagjini pati një mundësi të artë për barazim, por goditja u ndal nga shtylla. Pas kësaj fitoreje, Drita arrin në kuotën e 11 pikëve, ndërsa Dukagjini mbetet me 12 pikë.
Ndërkohë, në Skenderaj, Drenica shënoi fitore bindëse me rezultatin 4-0 përballë Llapit. Kjo përballje pati një karakter historik për stadiumin Bajram Aliu, pasi ishte hera e parë që një ndeshje u zhvillua nën ndriçimin e reflektorëve. Golat për fitoren e Drenicës u shënuan nga Gjergji Kote (14', 44'), Adrian Durmishaj (41') dhe Agim Zeka (70'). Me këtë fitore, Drenica ngjitet në kuotën e 9 pikëve, ndërsa Llapi mbetet në kuotën e 3 pikëve pas shtatë xhirove të zhvilluara.