Komanda Qendrore e SHBA-së (Centcom) njoftoi se forcat amerikane kanë goditur një cisternë iraniane në Gjirin e Omanit, në Ngushticën e Hormuzit.
Anija cisternë M/T Hasna, me flamur iranian, po lundronte në ujërat ndërkombëtare drejt një porti iranian kur u ndalua nga forcat amerikane. Sipas deklaratës së Centcom-it, anijes iu dhanë disa paralajmërime për shkeljen e bllokadës detare, por ekuipazhi nuk iu bind urdhrave.
Pas kësaj, një avion luftarak amerikan F/A-18 Super Hornet, i ngritur nga aeroplanmbajtësja USS Abraham Lincoln, hapi zjarr me armë 20 mm. Sulmi dëmtoi timonin e cisternës, duke e neutralizuar lëvizjen e saj dhe duke e ndaluar vazhhdimin e kursit drejt Iranit.
Centcom thekson se veprimi erdhi pas mosrespektimit të paralajmërimeve të shumta.
Përditësime
Zëdhënësi i CENTCOM, Tim Hawkins, konfirmoi se forcat amerikane goditën dhomën e motorit të cisternës M/T Lavine, e cila kishte tentuar të thyente bllokadën detare katër herë. Mediat iraniane raportojnë për dy viktima, megjithatë ky informacion mbetet i pakonfirmuar.