Ernest Çela, fqinji shqiptar i familjes Kola, foli për mediat lidhur me ngjarjen në Itali, ku katër anëtarë të familjes humbën jetën nga monoksidi i karbonit.
Ngjarja ndodhi në një banesë, ku karabinierët ndërhynë rreth orës 21:30 bashkë me xhaxhain e djalit të familjes. Sipas dëshmisë së Çelës, ata hynë menjëherë dhe u ngjitën në katin e dytë, ku gjetën katër trupat e shtrirë pa ndjenja në tokë. Ai kontrolloi pulsin dhe konfirmoi se viktimat kishin ende rrahje zemre.
Më pas, xhaxhai i djalit, i cili tani është i shtruar në spitalin e Cisanellos në gjendje të rëndë, humbi ndjenjat. Edhe vetë Çela, babai i tij dhe dy karabinierët filluan të ndiheshin keq. Ata kuptuan praninë e gazit në ajër dhe dolën urgjentisht jashtë.
Jashtë banesë, identifikuan monoksidin e karbonit. Zjarrfikësit mbërritën pas pak kohe, ndërsa në vendngjarje ishte e pranishme edhe një ambulancë. Të gjithë morën ndihmën e parë jashtë.
Çela shpjegoi se ndihma e shpejtë nuk u lejua të ngjitej në banesë. Kur u hap dritarja, doli një tym i bardhë. Ai theksoi se deri në momentin kur ishte lart, viktimat kishin puls.
Përditësime
Artan Kola identifikohet si kryefamiljari i familjes, ndërsa xhaxhai i saj rezulton vëllai i tij.