Në Torun të Polonisë zhvillohet Kampionati Botëror i atletikës për salla të mbyllura. Atleti shqiptar Franko Burraj garoi në baterinë e pestë të disiplinës 400 metra.
Ai e mbylli garën në vendin e tretë me kohën 46.57 sekonda, rezultat që përbën rekord të ri kombëtar. Vetëm dy atletët e parë nga çdo bateri kalonin direkt në gjysmëfinale, por Burraj u kualifikua si një prej katër kohëve më të mira në total nga gjashtë bateritë eliminatore.
Kjo paraqitje konfirmon progresin e Burraj-it. Në Glasgow 2024 ai kishte shënuar kohën 46.86 sekonda, duke qenë i pari atlet shqiptar mashkull në gjysmëfinale të një Botërori. Tani e tejkaloi atë kohë me 0.29 sekonda.
Burraj, 27-vjeçari nga Shkodra dhe i vetmi përfaqësues shqiptar në këtë Botëror, do të garojë në gjysmëfinale gjatë mbrëmjes së sotme rreth orës 8:45.