Federata Shqiptare e Futbollit (FSHF) ka njoftuar organizimin e ceremonisë së hedhjes së shortit për kalendarin e sezonit futbollistik 2026-2027. Ky event, që shënon edicionin e 88-të të kampionatit kombëtar Abissnet Superiore, do të mbahet të hënën, më 13 korrik, në ambientet e Shtëpisë së Futbollit, duke nisur nga ora 11:00.
Në këtë edicion, i cili do të transmetohet drejtpërdrejt në kanalin zyrtar FSHF TV, do të marrin pjesë 10 klube. Ekipet garuese për sezonin 2026-2027 janë:
• KF Egnatia
• AF Elbasani
• KF Vllaznia
• FC Dinamo City
• FK Partizani
• KF Tirana
• FK Vora
• KF Teuta
• KF Laçi
• KF Skënderbeu
Sipas njoftimit të Departamentit të Komunikimit, sezoni i ri është planifikuar të fillojë më 22 gusht 2026, ndërsa mbyllja e tij është parashikuar për datën 9 maj 2027.