Galatasaray ka kaluar në fazën e 1/8 finale të Ligës së Kampionëve, duke eliminuar Juventusin me rezultat të përgjithshëm 7-5.
Në ndeshjen e kthimit në Torino, Juventusi fitoi 3-2 pas 120 minutash lojë. Bardhezinjtë kishin humbur 5-2 në sfidën e parë në Stamboll.
Ndeshja filloi me avantazhin e Juventusit në minutën 37 me golin e Manuel Locatellit nga penalltia. Në minutën 48, Lloyd Kelly u ndëshkua me karton të kuq, duke lënë Juventusin me dhjetë lojtarë.
Edon Zhegrova hyri në fushë në minutën 67 dhe kontribuoi në golin e Federico Gattit në minutën 70 si dhe në atë të Weston McKenniet në minutën 82. Kështu, rezultati u bë 3-0 në kohën e rregullt, duke barazuar agregatin në 5-5.
Në kohën shtesë, Victor Osimhen shënoi për Galatasaray në minutën 106 (3-1), ndërsa Barış Alper Yılmaz vulosi kualifikimin në minutën 119 (3-2).
Juventusi krijoi raste të tjera, si goditja në shtyllë e Kenan Yıldızit në minutën 79, si dhe tentativat e Zhegrovës në minutat 96 dhe 110, por nuk arriti të shënojë më.
Galatasaray do të përballet me Liverpool ose Tottenham Hotspur në fazën e ardhshme.