Galatasaray triumfoi me rezultat 1-0 ndaj Liverpool në Stamboll, në ndeshjen e parë të fazës së 1/8-ve të Ligës së Kampionëve, më 10 mars 2026.
Skuadra turke mori avantazhin për sfidën e kthimit falë një goli të vetëm në pjesën e parë. Pas vetëm 7 minutash lojë, Mario Lemina zhbllokoi rezultatin me goditje koke, pas një asisti nga Osimhen.
Pas këtij goli, të dy ekipet krijuan raste, por pa arritur të ndryshojnë rezultatin. Në minutën 73, Liverpool festoi me një gol të Van Dijk, i cili u anulua nga VAR për prekje me dorë.
Sfida e kthimit do të zhvillohet javën e ardhshme në stadionin Anfield, ku do të përcaktohet skuadra që kalon në çerekfinale.