Finalja e Kupës së Botës, e cila përfundoi me fitoren 1-0 të Spanjës ndaj Argjentinës pas kohës shtesë falë golit të Ferran Torres, u njollos nga incidente të rënda fizike mes lojtarëve dhe stafit teknik.
Sipas raportimeve, Leandro Paredes sulmoi Eric Garcian dhe më pas mesfushorin Gavi, të cilin e rrëzoi përtokë me një teknikë mundjeje, ndërsa Thiago Almada iu bashkua sulmit duke e goditur spanjollin me shkelma. Po ashtu, Nahuel Molina u filmua duke goditur në stomak kapitenin Rodri, ndërsa ndihmës-trajneri i Argjentinës, Roberto Ayala, u pa duke goditur Dani Olmon.
FIFA ka nisur zyrtarisht një proces hetimor ndaj palës argjentinas për sjelljen josportive. Megjithatë, mesfushori Gavi ka mbajtur një qëndrim befasues. Gjatë një organizimi, 21-vjeçari u shpreh se nuk mendon që lojtarët argjentinas duhet të pezullohen:
"Nuk mendoj se lojtarët e Argjentinës duhet të pezullohen. E kuptoj që ajo që bënë nuk është një shembull i mirë për fëmijët, por agresiviteti dhe konfliktet e tilla janë pjesë përbërëse e futbollit", theksoi mesfushori spanjoll.