Më 25 mars 2026, në Rahovec, gjatë gërmimeve të zhvilluara nga njësitë policore dhe institucionet përkatëse, u gjetën mbetje eshtërore. Këto dyshohet se i përkasin së paku një individi që figuron në listën e personave të zhdukur me forcë gjatë luftës së fundit në Kosovë 1998-1999.
Sipas raportit të Policisë së Kosovës: "Nga njësitë kompetente policore dhe institucionet përkatëse janë vazhduar punimet në vendin e cekur, dhe gjatë gërmimeve janë gjetur mbetje eshtërore, të cilat dyshohet se i përkasin së paku një individi/personi, i cili figuron në listën e personave të zhdukur me forcë gjatë luftës së fundit në Kosovë 1998-1999. Mbetjet eshtërore janë dërguar në IML për ekzaminime mjeko-ligjore".
Mbetjet eshtërore janë dërguar në Institutin e Mjekësisë Ligjore për analiza të mëtejshme. Hetimet policore vazhdojnë për të përcaktuar identitetin dhe rrethanat e ngjarjes.