Një mjet i dyshuar shpërthyes është identifikuar të dielën, më 27 korrik 2026, në zonën e Parkut Nacional në Luboten. Sipas raportit 24-orësh të Policisë së Kosovës, një shtetas kosovar ka njoftuar autoritetet rreth orës 12:16, pasi kishte hasur në këtë mjet gjatë kohës që po mblidhte boronica në një fushë.
Menjëherë pas marrjes së informacionit, njësitë policore kanë mbërritur në vendin e ngjarjes dhe kanë siguruar perimetrin e zonës. Në vijim, njësitë për deminim të Forcës së Sigurisë së Kosovës (FSK) dhe ato të KFOR-it kanë kryer ekzaminimin dhe tërheqjen e mjetit të dyshuar.
Operacioni është përmbyllur me sukses dhe pa u raportuar asnjë incident.