Në Uashington, më 19 shkurt 2026, po mbahet takimi inaugurues i Bordit të Paqes, ku marrin pjesë përfaqësues nga Shqipëria dhe Kosova.
Gjenerali i lartë amerikan Jasper Jeffers III foli për planin ushtarak që do të zbatohet në terrenin e Gazës. Ai deklaroi se pesë vendet e para që do të angazhojnë trupa ushtarakë janë Indonezia, Maroku, Kazakistani, Kosova dhe Shqipëria.
"Jam i nderuar që të deklaroj sot se 5 vendet e para që do të angazhojnë trupa ushtarakë janë Indonezia, Maroku, Kazakistani, Kosova dhe Shqipëria, ndërsa Egjipti dhe Jordania do të kenë forcat policore", u shpreh Jeffers.
Sipas një burimi, në takim janë të pranishëm kryeministri i Shqipërisë Edi Rama dhe presidentja e Kosovës Vjosa Osmani.