Kombëtarja e Gjermanisë ka regjistruar një fitore të thellë me rezultatin 7-1 ndaj Curaçaos, në ndeshjen e parë të tyre në kuadër të Grupit E të Botërorit 2026.
Dominimi gjerman u shfaq që në fillim, kur Felix Nmecha zhbllokoi ndeshjen në minutën e 6-të. Pavarësisht barazimit të përkohshëm nga Livano Comenencia në minutën e 21-të, Gjermania rimori kontrollin e lojës. Nico Schlotterbeck shënoi me kokë në minutën e 38-të, ndërsa Kai Havertz realizoi nga penalltia në minutën e 45+5, duke mbyllur pjesën e parë me shifrat 3-1.
Në pjesën e dytë, ritmi i gjermanëve nuk u ndal. Jamal Musiala shënoi në minutën e 47-të pas asistimit të Joshua Kimmich. Më pas, listën e golashënuesve e plotësuan Nathaniel Brown (68’) dhe Deniz Undav (78’), të dy pas asistimeve të Joshua Kimmich. Kai Havertz realizoi golin e tij të dytë personal në fund të takimit, duke vulosur rezultatin përfundimtar prej 7-1.
Me këtë rezultat, Gjermania grumbullon pikët e para në Grupin E, ku bëjnë pjesë edhe Ekuadori dhe Bregu i Fildishtë, të cilët do të përballen më vonë në programin e ditës.
Përditësime
Kai Havertz realizoi golin e dytë në minutën e 88-të, ndërsa pas kësaj humbjeje, kombëtarja e Curaçaos mbetet në vendin e fundit të grupit.