Gjykata e Posaçme kundër Korrupsionit dhe Krimit të Organizuar (GJKKO) ka shpallur sot, më 21 janar 2026, vendimin për vrasjen e ish-policit Santiago Malko, ngjarje e ndodhur më 27 gusht 2019 në Tiranë.
Leonard Duka, i konsideruar kreu i klanit “Duka” dhe fajtor për vrasjen, u dënua me 30 vite burg.
Gjykata vendosi:
• Erlis Duka, vëllai i Leonard Dukës, i pafajshëm për vrasjen dhe episodet e tjera të armëmbajtjes; u hoq masa e sigurimit dhe u lirua plotësisht.
• Fatmir Hyseni (nofka “Doça”, në arrati): 25 vite burg.
• Aleksandër Maxhaku: 25 vite burg.
• Oltion Logaj: 25 vite burg.
• Dritan Agaj: 25 vite burg.
Më herët, në një proces të ndarë, për të njëjtën vrasje u dënuan Blendi Teta dhe Ilir Selmani.
Santiago Malko njihej si krahu i djathtë i Ervis Martinajt. Vendimi vjen pas hetimesh dhe procesi të gjatë gjyqësor.
Përditësime
Leonard Duka, i arrestuar në shkurt 2024 në Belgjikë dhe i ekstraduar në gusht 2024 në Shqipëri, u dënua nga GJKKO me 30 vite burg për vrasjen e Santiago Malko në zonën "Xhamlliku" në Tiranë.
Prokuroria kishte kërkuar 25 vite burg për Erlis Dukën.
Në proces të ndarë, Blendi Teta u dënua me 25 vite burg dhe Ilir Selmani me 26 vite.