Gjykata e Lartë ka lënë në fuqi vendimin e Apelit të Posaçëm kundër Korrupsionit dhe Krimit të Organizuar për çështjen e inceneratorit të Elbasanit. Rekursi i të dënuarve është rrëzuar dhe dënimet e caktuara nga apeli mbeten në fuqi.
Lefter Koka është dënuar me 10 vite burg, të reduktuara në 6 vite e 8 muaj për shkak të gjykimit të shkurtuar. Alqi Bllako mori 4 vite burg, të reduktuara në 2 vite e 8 muaj. Klodian Zoto dhe Mirel Mërtiri u dënuan secili me 10 vite burg, të reduktuara në 6 vite e 8 muaj.
Stela Gugallja u dënua me 7 vite burg, të reduktuara në 4 vite e 8 muaj. Pëllumb Abeshi dhe Jonida Zeqo morën secili 4 vite burg, të reduktuara në 2 vite e 8 muaj. Bardhyl Çabiri u dënua me 2 vite burg dhe Serafin Papa me 1 vit e 4 muaj heqje lirie.
Vendimi është dhënë nga kolegji penal i përbërë nga gjyqtarët Ilir Panda, Sokol Binaj dhe Sandër Simoni.
Përditësime
Lefter Koka duhet të kthehet në burg për 6 muaj të tjerë lidhur me inceneratorin e Tiranës. Të gjithë të dënuarit kanë shlyer dënimet për inceneratorin e Elbasanit, për të cilin Gjykata e Lartë la në fuqi dënimet. Klodian Zoto dhe Mirel Mërtiri ndodhen në arrati. Koka u lirua në dhjetor 2025 pas paraburgimit për tri dosje.