Gjykata e Lartë ka prishur vendimin e Gjykatës së Posaçme të Apelit për Korrupsionin dhe Krimin e Organizuar (GJKKO) për ish-prokurorin Aurel Zarka dhe ka urdhëruar rishqyrtimin e çështjes nga një trup i ri gjykues.
Vendimi i GJKKO-së, i marrë në vitin 2025, e kishte konsideruar Zarkën dhe tre të pandehur të tjerë si pjesë të një grupi të strukturuar kriminal. Ky vlerësim ndryshonte nga ai i gjykatës së Shkallës së Parë dhe i prokurorëve, të cilët e kishin cilësuar bashkëpunimin si të thjeshtë në rrethana rënde.
Në Shkallën e Parë, Zarka ishte dënuar me 2.8 vjet burgim në gjykim të shkurtuar për ushtrim të ndikimit të paligjshëm dhe korrupsion.
Me vendimin e Gjykatës së Lartë, provat dhe rrethanat do të shqyrtohen përsëri nga një trup gjykues i ri.