Gjykata Speciale njoftoi se, në çështjen gjyqësore ndaj Hashim Thaçit dhe të tjerëve për akuzat e veprave penale kundër administrimit të drejtësisë, Gjykatësi i Vetëm urdhëroi palët të dorëzojnë deri më 22 prill 2026 parashtrime me shkrim mbi aspekte relevante për përcaktimin e kalendarit të pjesës së mbetur të procesit.
Sipas njoftimit të lëshuar më 16 prill 2026, gjykatësi Gosnell ftoi palët të paraqesin parashtrimet duke supozuar se për dëshmitarët e Mbrojtjes nuk do të nevojiten seanca shtesë, pa paragjykuar vendimet për mocionet e pashqyrtuara të Mbrojtjes.
Gjykatësi përcaktoi datën 5 maj 2026, ora 16:00, si afat kur Mbrojtja duhet të dorëzojë njoftimet për mbylljen e paraqitjes së provave të saj, në varësi të konfirmimit pas parashtrimeve të palëve.