Më 7 maj 2026, në orën 21:00, zhvillohen ndeshjet e kthimit të gjysmëfinaleve në UEFA Europa League dhe UEFA Conference League, ku do të përcaktohen skuadrat finaliste.
UEFA Europa League
Përballjet janë Aston Villa kundër Nottingham Forest në "Villa Park" dhe SC Freiburg kundër S.C. Braga. Në ndeshjet e para, Nottingham Forest fitoi 1-0 ndaj Aston Villa, ndërsa S.C. Braga triumfoi 2-1 ndaj SC Freiburg në minutat e fundit. Të dyja sfidat mbeten të hapura për shkak të diferencës minimale.
UEFA Conference League
Luhet Crystal Palace kundër FC Shakhtar Donetsk dhe RC Strasbourg Alsace kundër Rayo Vallecano. Crystal Palace ka avantazhin 3-1 nga ndeshja e parë në transfertë, ndërsa Rayo Vallecano udhëton në Francë me fitoren 1-0 të parë. Në skuadrën spanjolle luan mbrojtësi Ivan Balliu.
Finalja e UEFA Europa League parashikohet më 20 maj në stadiumin e Besiktasit në Stamboll, ndërsa ajo e UEFA Conference League më 27 maj në stadiumin e Leipzigut në Gjermani.
Të tetë skuadrat synojnë biletën për finale, në një mbrëmje ku surprizat janë të mundshme.
Përditësime
Aston Villa dhe SC Freiburg u kualifikuan në finalen e Europa League.
- Aston Villa fitoi 4-0 ndaj Nottingham Forest (golat: Watkins 36', Buendia 58', McGinn 77' dhe 80').
- SC Freiburg triumfoi 3-1 ndaj SC Braga (golat: Kubler x2, Manzambi).
Crystal Palace dhe Rayo Vallecano kaluan në finalen e Conference League.
- Crystal Palace mundi 2-1 Shakhtar Donetsk (autogol Henrique, Sarr).
- Rayo Vallecano fitoi 1-0 ndaj Strasbourg (Alemao).