Ministria e Shëndetësisë njoftoi se gjatë ditës së djeshme, institucionet publike shëndetësore në qytetin e Gostivarit kanë ofruar ndihmë mjekësore për 73 pacientë të cilët janë paraqitur për ekzaminim.
Në Spitalin e Përgjithshëm “Dr. Ferid Murad” janë regjistruar gjithsej 45 vizita të reja. Sipas të dhënave të publikuara, 26 prej këtyre kontrolleve janë kryer në repartin e sëmundjeve infektive, ku janë shënuar edhe dy shtrime të reja. Në repartin e pediatrisë janë ekzaminuar 18 pacientë. Për sa i përket gjendjes së të hospitalizuarve, aktualisht në këto reparte ndodhen katër pacientë: dy në repartin infektiv dhe dy në repartin e pediatrisë.
Ndërkohë, në Shtëpinë e Shëndetit të Gostivarit, shërbimi i kujdestarisë ka evidentuar 28 vizita të reja gjatë së njëjtës periudhë kohore.