Kapiteni i përfaqësueses së Zvicrës, Granit Xhaka, renditet ndër lojtarët me më shumë përvojë në Kampionatin Botëror. Sipas statistikave të publikuara nga mediumi gjerman Kicker, Xhaka ka arritur kuotën e 25 paraqitjeve në turne madhorë.
Në raportim theksohet se mesfushori ka munguar në vetëm një ndeshje të rëndësishme gjatë këtyre viteve, përkatësisht në çerekfinalen e Evropianit 2021 kundër Spanjës, për shkak të grumbullimit të kartonëve të verdhë. Aktualisht, Xhaka numëron 146 paraqitje dhe 17 gola me fanellën e kombëtares zvicerane.
Krahas tij, një tjetër pikë referimi për trajnerin Murat Yakin mbetet mbrojtësi Ricardo Rodriguez. Mbrojtësi 33-vjeçar shquhet për qëndrueshmërinë e tij, pasi ka humbur vetëm 33 minuta lojë që nga fillimi i Botërorit 2014. Sipas mediumit gjerman, këta dy veteranë përbëjnë themelin e skuadrës për turneun aktual.