Kryeministri Edi Rama ka ftuar qytetarët të bashkohen në Green Half Marathon Berat 2026, që do të zhvillohet më 5 prill në qytetin e Beratit.
Sipas postimit të tij në rrjetet sociale, mbi 700 vrapues nga më shumë se 40 vende do të marrin pjesë në këtë garë. Sportistë profesionistë dhe amatorë do të garojnë në dy distanca: 10 km dhe 21 km, në rrugët historike të qytetit.
Rama e cilëson eventin si një ngjarje që sjell energji dhe emocion. Postimi i tij i plotë është: “Mirëmëngjes, dhe me ftesën për t’iu bashkuar Green Half Marathon Berat 2026 më 5 prill në Berat, ku mbi 700 vrapues nga më shumë se 40 vende do të garojnë në 10 km dhe 21 km duke sjellë energji dhe emocion, ju uroj një ditë të mbarë”.
Ky event pritet të tërheqë pjesëmarrës nga e gjithë bota.