Deputeti i PDK-së, Përparim Gruda, ka reaguar në lidhje me deklaratat e kryeministrit të Kosovës, Albin Kurti, i cili tha se zgjedhjet nuk janë opsion për zgjedhjen e presidentit.
Në një postim në Facebook, Gruda shkruan se Kurti, po të mos dëshironte zgjedhje, nuk do ta kishte shpërdoruar mundësinë e dytë të dhënë nga Gjykata Kushtetuese, që i shtoi 34 ditë kohë.
Sipas tij, nga këto 34 ditë, 7 ditë i kaluan në vizita të pafrytshme jashtë vendit, ndërsa tri javët e tjera kaluan pa ndonjë përpjekje serioze për zgjidhje.
Gruda shton se tani, kur ka mbetur vetëm një javë, deklaratat politike nuk kanë peshë, pasi veprimet e Kurtit në të dy raundet e zgjedhjes së presidentit flasin më qartë se fjalët.
Ai e quan për keqardhje që dikush me 51% të besimit qytetar po e shtyn vendin drejt një procesi të ri zgjedhor për arsye dhe inate personale. Qytetarët, sipas Grudës, do t’ia japin përgjigjen e duhur këtij mentaliteti.