Bedri Hamza, kryetar i Partisë Demokratike të Kosovës (PDK), deklaroi se nëse një kandidat për president do të propozohej nga familja Jashari, 22 votat e partisë së tij do të ishin për të.
Deklarata u bë në emisionin "Pressing" në T7, ku Hamza u shpreh me respekt të thellë për familjen Jashari. "Flas me respekt, me respekt deri në përulje për familjen Jashari dhe ata janë rast i veçantë në histori, janë diçka tjetër, është vlerë tjetër në krahasim me gjithçka", tha ai.
Ai u shpreh i bindur se "po që se kish me ardh një kandidat i familjes Jashari, 22 vota të PDK-së kishin me qenë për atë kandidat".
Hamza përmendi se ka dëgjuar deklaratat dhe vendimet e anëtarëve të familjes Jashari. "Për mua çdo vendim që e merr kjo familje është i respektuar", shtoi ai.