Luleshtrydhet përbëjnë një nga frutat më të preferuara gjatë pranverës dhe verës, por për shkak të metodës së kultivimit shpesh përmbajnë mbetje pesticide dhe papastërti. Ato rriten ulët në tokë, ku bien lehtësisht në kontakt me papastërtinë, bakteret dhe lagështinë, prandaj trajtohen shpesh me pesticide për t'u mbrojtur nga dëmtuesit dhe prishja. Gjatë vjeljes, transportit dhe shitjes, ato preken nga sipërfaqe dhe duar të ndryshme.
Luleshtrydhet e palara mund të përmbajnë mbetje pesticideve, bakteret dhe mikroorganizmat. Edhe pse konsumimi i rastit nuk paraqet rrezik të madh, ai i rregullt mund të jetë i dëmshëm, veçanërisht për fëmijët dhe personat e ndjeshëm.
Hapat për larjen e duhur
Për të hequr pesticidet dhe për të ruajtur freskinë, ndiqni këto udhëzime:
- Mos hiqni kërcejtë para larjes, sepse luleshtrydhet thithin ujë dhe humbasin shijen si dhe strukturën.
- Lërini në ujë të ftohtë në një enë të madhe për 5 deri në 10 minuta, duke i përzier ngadalë.
- Shtoni një lugë gjelle uthull ose sodë buke (opsionale) për të larguar më shumë bakteret dhe pesticide.
- Shpëlajini nën ujë të rrjedhshëm të ftohtë pas zhytjes.
- Thajini duke i shpërndarë në peshqir letre ose leckë të pastër.
- Hiqni kërcejtë vetëm në fund për të ruajtur freskinë dhe shijen.
Gabimi më i zakonshëm është larja e luleshtrydheve paraprakisht dhe mbajtja e tyre në frigorifer për një kohë të gjatë.