Ramush Haradinaj, kryetar i Aleancës për Ardhmërinë e Kosovës (AAK), deklaroi për media se Kosova ndodhet në zgjedhje në kontekstin e zgjedhjes së presidentit. Kjo, para fillimit të seancës parlamentare të 9-10 prillit 2026.
I pyetur nëse kryeministri Albin Kurti dëshiron zgjedhje, Haradinaj u përgjigj: “Jo ndoshta, por jemi në zgjedhje”. Ai shtoi se Kurti e di si shkojnë këto procese, pasi AAK ka përvoja politike dhe ka arritur të zgjedhë presidentin disa herë.
Sipas Haradinajt, Kurti “nuk e ka hapur fare paketën e Qeverisë”. Kur vjen puna te presidenti, sipas tij, Kurti pret të merren vesh, por partneriteti për presidentin nënkupton se bëhesh partner edhe në Qeveri. “Kjo shkon ndryshe, me atë që e fton për partneritet për president, pra bëhesh partner edhe në Qeveri”, tha ai.
Haradinaj foli edhe për kalimin e deputetes Duda Balje në Grupin Parlamentar të AAK-së. Ai vlerësoi se nuk kanë shumë dallime në qëndrime sa i përket Kosovës, vlerave të demokracisë, zhvillimit ekonomik e përkrahjes së komuniteteve. “Aleanca gjithmonë ka qenë e kujdesshme. Mendoj që është reciproke [...] një deputet pa grup e ka të vështirë”, shtoi ai.
Përditësime
Ramush Haradinaj e akuzoi Albin Kurtin se nuk ka interes për zgjedhjen e presidentit.
Sipas Haradinajt, veprimi njëanshëm i Kurtit në krijimin e qeverisë tregon mungesën e planit për zgjedhjen e presidentit.
Kurti kishte mundësi alternative përmes buxhetit për të përfshirë amendamente ose propozime të opozitës.