Harry Kane, sulmuesi i Bayern Munichut, realizoi gol të dielën ndaj Wolfsburgut, duke arritur shifrën e 20 golave në Bundesligë për këtë sezon. Kjo shifër u arrit ende pa u mbyllur pjesa e parë e sezonit, e njohur si Hinrunde.
Ky realizim e bën anglezin një rast të rrallë në historinë e futbollit gjerman. Kane ka shënuar të paktën 20 gola në secilin nga tre sezonet e tij të para në Bundesligë, arritje që nuk ishte regjistruar prej më shumë se 60 vitesh.
I vetmi futbollist që kishte arritur diçka të ngjashme ishte Friedhelm “Timo” Konietzka.
Karriera e Konietzkës
Konietzka kaloi pjesën më të madhe të karrierës te Borussia Dortmund, ku qe pjesë e ekipit që fitoi titullin e fundit kampion të Gjermanisë para themelimit të Bundesligës. Ai mbetet në histori si autori i golit të parë në Bundesligë, të shënuar në minutën e parë të ndeshjes hapëse kundër Werder Bremenit.
Më vonë, Konietzka fitoi tituj kampioni me Dortmundin dhe 1860 Munichun. Si trajner, ai arriti sukses në Zvicër me tre tituj kampioni.