Harry Maguire ka rinovuar kontratën me Manchester United për një vit, deri në qershor 2027, me opsion për një sezon tjetër. Kontrata e mëparshme skadohte në fund të edicionit aktual.
Ai u transferua te klubi në vitin 2019 nga Leicester City për 80 milionë funte, shifër rekord botëror për një mbrojtës. Gjatë kësaj periudhe, Maguire ka zhvilluar 266 paraqitje dhe ka shënuar 17 gola në të gjitha garat, duke fituar Kupën e Ligës në 2023 dhe Kupën FA një edicion më vonë.
Në deklaratë për mediat e klubit, Maguire shprehu kënaqësinë: “Të përfaqësoj Manchester United-in është nderi më i madh. Është përgjegjësi që më bën mua dhe familjen time krenarë çdo ditë”. Ai shtoi se pret të vazhdojë rrugëtimin për të paktën tetë sezone, duke krijuar momente të reja me tifozët.
Drejtori teknik Jason Wilcox vlerësoi kontributin e tij: “Harry përfaqëson mentalitetin dhe qëndrueshmërinë e nevojshme për të luajtur te Manchester United. Ai sjell eksperiencë dhe lidership të paçmueshëm në një ekip të ri dhe ambicioz”.
Rinovimi vjen pas rikthimit në formë të mbrojtësit 33-vjeçar dhe besimit të klubit në rolin e tij në repartin defensiv.
Përditësime
Harry Maguire deklaroi: "Mund ta ndjeni ambicionin dhe potencialin e kësaj skuadre... momentet tona më të mira janë ende përpara nesh".
Ai ka luajtur 66 herë me kombëtarën angleze dhe përmendi momente të vështira në vitet e fundit.