Mbrëmë në Komandën Qendrore të ShBA-së, Sekretari i Mbrojtjes Pete Hegseth, Admirali i Komandës Qendrore Brad Cooper dhe Presidenti Donald Trump mbajtën një takim informues mbi operacionet e ShBA-së kundër Iranit.
Hegseth tha se "sasia e fuqisë së zjarrit mbi Iranin dhe mbi Teheranin do të rritet ndjeshëm". Ai shtoi se vendimi i Mbretërisë së Bashkuar për t’i lejuar ShBA-së të përdorë bazën ushtarake Diego Garcia ndihmon Uashingtonin të intensifikojë sulmet.
"Ishte për të ardhur keq që britanikët nuk thanë që nga dita e parë, ‘Hej, vazhdoni dhe keni akses’, tha Hegseth. “Por ia dolëm.”
Ndërkohë, kryeministri britanik Sir Keir Starmer njoftoi se Mbretëria e Bashkuar po dërgon katër avionë luftarakë Typhoon shtesë për t’u bashkuar me skuadronin britanik në Katar. Ai shtoi se Britania e Madhe i ka lejuar ShBA-së të përdorë bazat britanike “për të kryer operacione mbrojtëse”.
Ky zhvillim vjen në kontekstin e operacioneve të vazhdueshme amerikane kundër Iranit, siç raportojnë mediat britanike dhe kosovare.