Sulmuesi Elye Wahi, lojtar i klubit OGC Nice, ndodhet në qendër të një hetimi penal të hapur nga autoritetet franceze. Prokuroria e Marseille ka konfirmuar ndalimin e 23-vjeçarit më datë 29 maj, në kuadër të procedurave për mashtrim të organizuar, korrupsion sportiv, posedim të të ardhurave nga aktiviteti kriminal dhe pastrim parash.
Sipas hetimeve, dyshimet lidhen me një karton të verdhë që Wahi dyshohet se e ka marrë me qëllim në ndeshjen e kampionatit francez ndaj FC Metz, zhvilluar më 17 maj, me qëllim favorizimin e basteve të paligjshme. Pas marrjes në pyetje nga policia, futbollisti është lënë i lirë, ndonëse hetimet vijojnë ende pa ngritjen e akuzave zyrtare.
Pavarësisht kësaj, Wahi është bërë pjesë e kombëtares së Bregut të Fildishtë për Kupën e Botës 2026. Ai u aktivizua si titullar në fitoren 1-0 kundër Ekuadorit më 15 qershor. E ardhmja e tij në turne mbetet e pasigurt, pasi rregullat strikte të Kanadasë për hyrjen e personave nën hetim penal mund të përbëjnë pengesë për ndeshjet e radhës që do të zhvillohen në atë vend.