Në selinë e Federatës së Futbollit të Kosovës (FFK) është hedhur shorti për edicionin e ri 2026/2027, duke përcaktuar kalendarin e ndeshjeve për Albi Mall Superligën e Kosovës. Komisioni i Garave ka bërë të ditur se sezoni i ri do të fillojë më 15 gusht, ndërsa pjesa vjeshtore e kampionatit do të mbyllet më 20 dhjetor.
Java e parë e kampionatit do të sjellë pesë përballje, ku vëmendja kryesore është përqendruar te derbi ndërmjet Prishtinës dhe Ballkanit. Një tjetër sfidë e vlerësuar si mjaft interesante është ajo mes Llapit dhe Dritës.
Çiftet e përcaktuara për xhiron e parë janë:
• Prishtina – Ballkani
• Llapi – Drita
• Drenica – Dukagjini
• Feronikeli ’74 – Gjilani
• Vushtrria – Malisheva
Në këtë edicion garues, skuadra e Vushtrrisë shfaqet si ekip i sapopromovuar në Superligë. Përveç shortit të Superligës, në të njëjtën ditë janë tërhequr edhe shortet për Ligën e Parë dhe Ligën e Dytë të futbollit kosovar, duke kompletuar kështu pasqyrën e kalendarit për të gjitha kategoritë e garave.
Përditësime
Ceremonia e hedhjes së shortit për sezonin 2026/2027 të Superligës së Kosovës u drejtua nga kryetari i Komisionit të Garave, Abdyl Bellopoja, dhe administratori Agron Shosholli. Ata përcollën mesazhin e presidentit të FFK-së, Agim Ademi, për një sezon të karakterizuar nga integriteti dhe sportiviteti. Gjatë këtij organizimi, u konfirmua zyrtarisht klubi i Dritës si kampion në fuqi.
Federata e Futbollit e Kosovës (FFK) ka ndryshuar datën e nisjes së sezonit 2026/2027, i cili do të fillojë më 14 gusht, një ditë më herët se sa ishte planifikuar fillimisht. Institucioni ka zyrtarizuar oraret dhe stadiumet për ndeshjet e javës së parë. Derbi ndërmjet Prishtinës dhe Ballkanit do të zhvillohet të dielën, më 16 gusht, duke filluar nga ora 19:00, në stadiumin Fadil Vokrri.