Ministri për Evropën dhe Punët e Jashtme i Shqipërisë, Ferit Hoxha, dhe zëvendëskryeministri dhe ministri i Punëve të Jashtme të Kosovës, Glauk Konjufca, kanë zhvilluar një takim dypalësh në Uashington, SHBA. Njoftimi është bërë i ditur zyrtarisht nga Ministria për Evropën dhe Punët e Jashtme e Shqipërisë.
Gjatë bisedimeve, dy zyrtarët shqyrtuan zhvillimet më të fundit politike dhe mundësitë për thellimin e bashkëpunimit të gjithanshëm ndërmjet dy vendeve. Sipas njoftimeve zyrtare, bashkëbiseduesit vlerësuan rëndësinë e koordinimit të vazhdueshëm për çështjet me interes të përbashkët.
Vizita e ministrave në kryeqytetin amerikan është ndërmarrë në kuadër të pjesëmarrjes në takimin ministror mbi rritjen e rrezikut nga terrorizmi politik, i cili është organizuar nga Sekretari amerikan i Shtetit, Marco Rubio.