Deputeti i Partisë Demokratike, Enver Hoxhaj, shprehu kritika të ashpra ndaj Presidentes Vjosa Osmani dhe kryeministrit Albin Kurti në një video-adresim.
Hoxhaj argumentoi se përplasja mes tyre nuk është në interes të opozitës, por dëshmon dëmin e madh të shkaktuar Kosovës. Ai hodhi poshtë perceptimin se armiqësia politike mes tyre është favorshme për opozitën.
"Armiku i armikut tim është miku im. Kështu mendonin romakët, kështu po mendojnë ende disa sot në Kosovë se armiqësia politike në mes të ish-Presidentes dhe ish-kryeministrit është në favor të opozitës", deklaroi Hoxhaj.
Sipas tij, koalicioni i quajtur "i shpresës" mes Kurtit dhe Osmanit u shndërrua në "boshtin e së keqes".
Përditësime
Enver Hoxhaj i akuzoi Albin Kurtin dhe Vjosën Osmanin se kanë "luajtur bixhoz" me shtetin, demokracinë, shoqërinë dhe mediat e Kosovës.
Hoxhaj shtoi se ata kanë penguar opozitën, duke ia pamundësuar ushtrimin e të drejtës për të propozuar kandidat për kryeministër dhe duke caktuar datë të pafavorshme për zgjedhje.