Ish-ministrja e Financave dhe kandidatja për deputete, Hykmete Bajrami, ka vlerësuar se statistikat ekonomike të paraqitura në mënyrë të njëanshme nuk pasqyrojnë gjendjen reale të ekonomisë.
Në një reagim publik, Bajrami theksoi se rritja ekonomike prej 5.43% nuk mund të shihet e shkëputur nga inflacioni prej 7.5%, i shënuar në muajin maj të vitit 2026.
"Kur çmimet rriten më shumë se të ardhurat, fuqia blerëse bie; qytetari nuk e ndjen rritjen, por ndjen shtrenjtimin", ka shkruar Bajrami. Ajo argumentoi se prezantimi i pjesshëm i treguesve makroekonomikë krijon një pasqyrë joadekuate, pasi presioni inflacionist po rëndon drejtpërdrejt mirëqenien e qytetarëve.