Një rast tragjik është regjistruar në fshatin Palabardh të komunës së Gjakovës, ku një i mitur është gjetur pa shenja jete. Lajmin e ka konfirmuar zëdhënësja rajonale e Policisë së Kosovës në Gjakovë, Vlera Krasniqi.
Sipas informacioneve zyrtare, njoftimi për ngjarjen është pranuar nga autoritetet policore rreth orës 18:00. Në vendin e ngjarjes kanë mbërritur menjëherë njësitë relevante të policisë dhe ekipi mjekësor, ku mjeku kujdestar ka konstatuar vdekjen e viktimës.
Në koordinim me Prokurorin e Shtetit, policia ka iniciuar rastin si "Hetim i vdekjes". Aktualisht, autoritetet po punojnë për zbardhjen e rrethanave të plota që çuan në këtë ngjarje.