Austin Tucker Martin, 21-vjeçar nga Karolina e Veriut, u identifikua si personi i vrarë nga agjentët e sigurisë në rezidencën Mar-a-Lago të presidentit Donald Trump në Palm Beach të Floridës.
Ngjarja ndodhi rreth orës 01:30 të mëngjesit. Sipas Shërbimit Sekret, i riu tentoi të hynte në mënyrë të paligjshme në perimetrin e sigurisë pranë portës veriore. Ai mbante një armë gjahu dhe një bidon me lëndë djegëse. Agjentët e kërkuan të hidhte armën, por ai e ngriti në pozicion qitjeje, çka çoi në reagimin e menjëhershëm me zjarr.
Austin Tucker Martin u shpall i vdekur në vendngjarje. Familja e tij e kishte raportuar si të zhdukur disa ditë para incidentit. Hetimet për motivet dhe lëvizjet e tij janë në vijim.
Zëdhënësja e Shtëpisë së Bardhë, Caroline Levitt, deklaroi se Shërbimi Sekret veproi shpejt për të neutralizuar personin e armatosur. Drejtori i FBI-së, Kash Patel, njoftoi se agjencia po angazhon të gjitha burimet për sqarimin e çështjes.
Sekretari i Thesarit, Scott Bessent, tha se kishte folur me Trump pas ngjarjes dhe falënderoi forcat e sigurisë. Ai theksoi se nuk dihet ende nëse veproi i vetëm apo kishte probleme të tjera.
Përditësime
Austin T. Martin, 21 vjeç nga Cameron, NC, u identifikua si i vrarë në kompleksin Mar-a-Lago të Donald Trump.
- Familja e tij e raportoi të zhdukur një ditë më parë.
- Ai hyri në kompleks ndërsa një mysafir po dilte.
- Autoritetet po hetojnë nëse ai bleu armën gjatë udhëtimit nga Karolina e Veriut në Florida.
- Leavitt e përshkroi si "të çmendur".
Sherifi Ric Bradshaw deklaroi se i riu uli bidonin me karburant para se të ngrinte armën.
Ai udhëtoi mbi 1 100 kilometra me makinë nga Karolina e Veriut në Florida, ku në automjetin e tij u gjet kutia e armës.
Dy agjentë të Shërbimit Sekret dhe një zëvendës-sherif i Palm Beach e urdhëruan të hidhte armën.
Presidenti Trump dhe Melania Trump ndodheshin në Washington, DC, gjatë incidentit.
FBI po kërkon pamje nga kamerat e sigurisë së banorëve të zonës.