Artikulli u përditësua — Shiko përditësimet
Një qen i llojit pitbull kafshoi në kokë një vajzë 4-vjeçare në Lungomaren e Vlorës mesditën e së martës.
Policia e Vlorës identifikoi pronarin e kafshës si një shtetas 87-vjeçar. Ai u procedua penalisht në gjendje të lirë.
Gjatë pyetjes në polici, i moshuari deklaroi se pitbullin e mbante të lidhur brenda banesës. Sipas tij, qeni këputi zinxhirin, doli jashtë dhe sulmoi fëmijën.
Të gjitha materialet hetimore u referuan në Prokurori, e cila do të vendosë për masat dhe përgjegjësinë.
Përditësime
4-vjeçarja u transportua në spital, ku vazhdon trajtimin mjekësor dhe është jashtë rrezikut për jetën.
Zhvillime të tjera:
- Pronari identifikohet si H.B., 87-vjeçari.
- Qeni u mor në dorëzim nga Shërbimi i Mbrojtjes së Kafshëve pranë Bashkisë Vlorë.
- Vajza ndodhej me gjyshërit gjatë ngjarjes.
- Një djalë i ri ndërhyri dhe e largoi pitbullin nga fëmija.