Bordi Ndërkombëtar i Shoqatës së Futbollit (IFAB) vendosi të ndryshojë rregullat për ndërhyrjen e VAR-it në rastet e kartonëve të dytë verdhë. Ky vendim u mor në mbledhjen e përgjithshme vjetore në Uells të shtunën, dy javë pas ndeshjes Inter-Juventus në Serie A.
Ndeshja, e njohur si Derby d’Italia, përfundoi me fitoren 3-2 të Interit ndaj Juventusit në muajin shkurt. Kur rezultati ishte 1-1, mbrojtësi i Juventusit Pierre Kalulu u përjashtua me karton të dytë verdhë për një faull të supozuar ndaj Alessandro Bastonit të Interit, i cili, sipas burimeve, simuloi.
VAR-i nuk mund të ndërhynte, pasi rregullat e mëparshme lejonin ndërhyrje vetëm për karton të kuq direkt. Kjo situatë ndikoi në zhvillimin e ndeshjes, ku Juventusi humbi 3-2, pavarësisht se ishte skuadra më e mirë në fushë para përjashtimit.
Me ndryshimin e ri, gjyqtarët do të mund të rishikojnë edhe rastet e kartonit të dytë verdhë. IFAB, organi që mbikëqyr ligjet e lojës, pritet ta zbatojë këtë rregull gjatë Kupës së Botës 2026.
Sipas Sky Sports-it, IFAB zgjeri gjithashtu kompetencat e VAR-it për kontrollin e goditjeve nga këndi dhe mori masa të reja për të parandaluar humbjen e kohës gjatë ndeshjeve.