Instituti i Gjeoshkencave (IGJEO) ka publikuar parashikime për reshje intensive shiu dhe bore në Shqipëri, duke vlerësuar rrezikun e përmbytjeve dhe rrëshqitjeve të dherave. Këto fenomene priten kryesisht në veri dhe jug të vendit, nga pasdita e 5 janarit deri më 11 janarin 2026.
Qarqet më të prekura përfshijnë Shkodër, Kukës, Dibër, Lezhë, Durrës, Elbasan, Vlorë, Gjirokastër, si dhe Tiranë dhe Fier sipas vlerësimeve të fundit. Në këto zona, mund të ndodhin vërshime të shpejta të lumenjve të vegjël malorë dhe rrëshqitje dherash. Në zonat urbane, reshjet intensive mund të shkaktojnë përmbytje të lokalizuara, në varësi të gjendjes së rrjeteve të kanalizimeve.
Sipas llogaritjeve hidrologjike të IGJEO-s, reshjet e fundit dhe ato të pritshme do të çojnë në rritje të ndjeshme të prurjeve dhe niveleve në lumenjtë Drin-Bunë, Mat, Shkumbin, Vjosë, Ishëm dhe Erzen. Rrezik i shtuar për përmbytje paraqitet në lumin Drin-Bunë dhe Liqenin e Shkodrës, veçanërisht në zonën e Nënshkodrës, si dhe në lumenjtë Ishëm, Erzen, Mat dhe Vjosë gjatë 10-11 janarit.
Për periudhën 5-7 janar, priten reshje intensive deri lokalisht shumë intensive në qarqet Shkodër, Kukës, Vlorë dhe Gjirokastër, mesatare deri intensive në Lezhë, Berat dhe Korçë, dhe dobëta deri mesatare në të tjerat. Reshjet shoqërohen me shtrëngata. Në veri, lindje dhe juglindje, në lartësitë mbi 1000 metra (dhe mbi 600 metra në parashikimet e vonshme), reshjet do të bien në formë bore.
Temperaturat e parashikuara për 7 janarin janë: në zonat bregdetare dhe të ulëta 9-16°C, në zonat malore 3-12°C. Për 10-11 janarin, temperaturat minimale në malore arrijnë 0 deri -2°C, ndërsa maksimalet në bregdet shkojnë deri në 10°C. Temperaturat e ulta mund të shkaktojnë ngrica dhe vështirësi në transportin rrugor. Era pritet mesatare deri e fortë në zonat bregdetare, veçanërisht pasdite.