Instituti i Gjeoshkencës ka dhënë parashikimin meteorologjik për fundjavën e shtunë 7 shkurt dhe e diel 8 shkurt. Priten reshje shiu në pjesën më të madhe të qarqeve, shoqëruar me dëbora në zonat malore mbi 1100 metra lartësi.
Paralajmërohen probleme si rënie gurësh e inertesh dhe vërshime uji në zonat urbane, veçanërisht në varësi të sistemit të kanalizimeve në qarqet Dibër, Lezhë dhe Durrës.
Intensiteti i reshjeve
• Mesatare deri lokalisht intensive në qarqet Dibër, Lezhë, Tiranë dhe Durrës.
• Mesatare në qarqet Shkodër, Elbasan dhe Fier.
• Të dobëta deri lokalisht mesatare në qarqet e tjera.
Reshjet do të shoqërohen me shtrëngata.
Temperaturat e parashikuara për 8 shkurt
• Bregdeti: 10 / 15 °C.
• Vendet e ulëta: 8 / 15 °C.
• Vendet malore: 2 / 11 °C.
Era
Pasdite të shtunës era fryn mesatare deri e fortë në zonat malore. Të dielës era pritet e lehtë deri mesatare.