Një konflikt për motive të dobëta, i ndodhur në orët e para të mëngjesit të 19 shtatorit në zonën e rrugës “Selaudin Zorba” në Tiranë, ka çuar në plagosjen e lehtë të një 37-vjeçari. Shërbimet e Komisariatit të Policisë Nr. 4 kanë mbërritur në vendngjarje menjëherë pas njoftimit për të shtëna me armë zjarri.
Nga veprimet e para hetimore, autoritetet kanë identifikuar si autor të dyshuar shtetasin Xh. Xh., 45 vjeç, i cili pas ngjarjes është larguar. Policia vijon punën për lokalizimin dhe kapjen e tij, ndërsa materialet procedurale i janë referuar Prokurorisë për hetime të mëtejshme. Për sa i përket shtetasit M. G., i cili u ndodh rastësisht në afërsi të vendit të ngjarjes, raportohet se ai ka marrë dëmtime të lehta.
Përditësime
Hetimet e mëtejshme zbardhën dinamikën e incidentit të ndodhur rreth orës 03:30. Autoritetet konfirmuan se autori ka qëlluar me armë zjarri në ajër gjatë konfliktit. 37-vjeçari i lënduar rezulton një kalimtar i rastësishëm, i cili nuk ka qenë palë e konfliktit.