Një incident ka ndodhur në Qendrën e Mediave të festivalit Eurovision që po zhvillohet në Vjenë. Gazetari Albert Limani, i cili ndodhej aty për të ndjekur performancën e artistit shqiptar Alis Kallaçi me këngën “Nan”, ka bërë të ditur se një grua nga delegacioni i Serbisë ka tentuar të largojë flamurin e Kosovës.
Sipas Limanit, gruaja u tha se “ky flamur nuk lejohet këtu” dhe tentoi ta prekë. Ai shtoi se nuk e lejoi një veprim të tillë dhe se gruaja u largua.
Limani ka shkruar se flamuri i Kosovës do të valojë dhe do të lejohet kudo, ndërsa ai dhe të tjerët do ta mbrojnë atë me çdo kusht. Ngjarja ndodhi derisa gazetarët po festonin paraqitjen e Shqipërisë në konkurs.