Ndeshja miqësore ndërmjet Shqipërisë dhe Izraelit, e zhvilluar në stadiumin Air Albania, u karakterizua nga një incident në pjesën e dytë të takimit. Në minutën e 73-të, lojtari Oscar Gloukh shënoi golin e avantazhit për ekipin mysafir.
Pas realizimit, Gloukh festoi përballë tribunave duke i bërë me shenjë tifozëve të heshtnin dhe duke treguar stemën e Izraelit. Ky veprim u interpretua si provokues, duke sjellë ndërhyrjen e menjëhershme të kapitenit kuqezi, Elseid Hysaj. Situata u tensionua për disa çaste midis lojtarëve në fushë, por ndërhyrja e gjyqtarit e qetësoi episodin, duke ndëshkuar me karton të verdhë si Hysajn ashtu edhe Gloukh.
Pas këtij momenti, stafi teknik i Izraelit kreu zëvendësimin e autorit të golit. Gjithashtu, pas provokimit të lojtarit, një pjesë e tifozëve reaguan duke thirrur emrin e Palestinës. Ndeshja vijoi deri në përfundim pa regjistruar incidente të tjera.